同一片天空下，我們相隔數千公里。
二零一九年之後，有人離開、有人留下、有人失去自由。散落各地嘅我哋，或多或少都嘗過一個人嘅滋味。而我哋都明白，孤獨嘅滋味並唔好受。
曾幾何時，我哋承諾過齊上齊落，大家應該都言猶在耳？
高牆之內，仲有好多手足過住比我哋更長、更靜、更孤寂嘅夜晚。之鋒係其中一個。
縱使我哋相隔數千公里，物理限制使我哋唔可以緊緊倚靠住，但我哋相信大家嘅心仍然係相連，我哋嘅思念總可以傳遞到遠方嘅手足。
就等我哋喺呢度，每人揀一日留一個言，可以係一個小故事，可以係一則小分享，可以係一首歌嘅歌詞，亦可以係一段感激鼓勵嘅說話。就讓我哋嘅聲音穿越高牆，穿越時空，去到之鋒嘅耳邊陪住佢渡過一個又一個寂靜嘅夜晚，直至佢重獲自由！
1揀一日，留一個言陪住之鋒
一日一個留言，我哋喺牆外放聲呼喊：我哋仲記得你，我哋會陪住你！ 規則： 你嘅一個留言，就會陪住之鋒一日。黃色嘅日子代表已經有人陪住佢。白色嘅日子代表仲等緊一個人——可能嗰個就係你。撳一個白色嘅日子喺嗰日留言。已經過咗嘅黃色日子，撳入去就會睇到嗰日有人同之鋒講過啲乜。10月13日係佢生日，我哋會唔限人數，等大家都可以同佢講聲生日快樂。每日只限一個留言。所有留言會經義工審閱之後喺嗰一日公開。
- 已經有人陪
- 等緊人陪
- 你揀咗
- 10月13日係之鋒生日：留言數目不限
- 11月5日（之鋒被重判）：留言數目不限，開放一星期
2寫低你想同之鋒講嘅說話
多謝你陪佢。
仲有好多日子等緊人陪——叫埋朋友一齊
儲存呢張圖，分享去 Instagram 限時動態，或者將連結傳畀朋友。（緊記保護個人身份）
你會見到你揀嗰日已經變咗黃色。如果你願意，可以再揀一日陪佢。